سەرنوسەر
بینراوە & خوێندراوەتەوە : (4)
هێزەكانی دژەتیرۆری عێراق كوشتنی سێ چەكداری داعشیان لە سنووری پارێزگای كەركوك راگەیاند، كە دووانیان بەرپرسی باڵای ئەو گروپە توندڕەوەن.
ئەمڕۆ یەكشەممە ٢٩ـی حوزەیرانی ٢٠٢٥، دەزگای دژەتیرۆری عێراق لە راگەیەندراوێكدا بڵاویكردەوە، هێزەكانیان بە هاوكاریی دەزگای ئاسایشی هەرێمی كوردستان، لە پڕۆسەیەكدا لە سنووری پارێزگای كەركوك، توانییان سێ چەكداری سەر بە گروپی تیرۆریستی داعش بكوژن.
باسی لەوەشکردووە، كوژرانی ئەو سێ چەكدارەی داعش، كە دوانیان بەرپرسی باڵای گروپەكەن، لە ئەنجامی بۆسەیەكدا هات كە پێشتر زانیاریی ورد لەبارەی جموجۆڵەكانیان و شوێنی هاتووچۆ و خۆحەشاردانیان بەردەست كەوتبوو.
ئاماژەی بەوەشکرد، پڕۆسەكەش بە هاوكاری و هەماهەنگیی دەزگای ئاسایشی هەرێمی كوردستان ئەنجامدرا.
